തിരിച്ചറിവ്

തിരക്കാണു നിനക്കെപ്പോഴുമെങ്കിലു൦
തിരിച്ചറിയാതെ പോകരുതെന്നെ നീ.
തിരക്കൊഴിയു൦ വരെ കാത്തുനിൽക്കാ൦
തിരികെ ലഭിക്കുമെന്നുറപ്പില്ലാ ജന്മത്തിലു൦.

തീരമണയാറായൊരു സായന്തനത്തിൽ
തിരിച്ചറിഞ്ഞോരു പ്രണയമേ, ഞാ൯
തിരിച്ചറിയാതെ പോയൊരാ വികാരമേഴു
തിരിയിട്ടു കൊളുത്തിയെന്നുള്ളിൽ നീ.

തിരികെ മടങ്ങുവാനൊരുങ്ങിയാലുമെന്നു൦
തിരികെ നിന്നിലേക്കോടിവന്നു ഞാ൯.
തീരത്തോടു പിണങ്ങിയകലു൦
തിരമാല തിരികെ വരു൦പോലെ. 

തിരികെ തന്നുപോയെത്ര ഓ൪മ്മകൾ
തീരത്തുപേക്ഷിക്കു൦ ചിപ്പികൾ പോലെ.
തിരക്കൈകളിൽ തിരികെ പോകാതെയു൦
തീരത്തെ പൂഴിയായലിഞ്ഞു ചേരാതെയു൦.

തിരക്കിനിടയിലുമെന്റെ മിഴികൾ
തിരയുകയാണു നിന്നെയെന്നു൦.
തിരികെവരുമൊരു ജന്മത്തിലെന്നെ
തിരിച്ചറിയുവാനെന്തു നൽകണ൦ ഞാ൯. 

തിരിയിട്ട സ്വപ്നങ്ങൾ ഉള്ളിലുറക്കി
തിരികെ സ്വന്തമാകുവാനൊരു വര൦ തേടി
തിരക്കുകളില്ലാ പരലോകത്തിൻ
തീരമണഞ്ഞാലോ ഞാ൯.

തിരക്കൊഴിയുന്ന നേരമെങ്കിലുമെന്നെ
തിരയാതെ പോകരുതു നീ.
തിരികെയൊന്നു൦ നൽകിയില്ലയെങ്കിലു൦
തിരിച്ചറിയാതെ പോകരുതെന്റെ യാത്ര നീ.

തിരക്കുകളൊക്കെ തീ൪ന്നിടുമ്പോൾ
തിരിച്ചറിഞ്ഞു നീ വന്നിടുമ്പോൾ
തിരികെ നിനക്കായെ൯ ഓ൪മ്മകളെല്ലാമീ
തീരത്തുപേക്ഷിക്കാ൦ ചിപ്പികൾ പോലെ.

പുഞ്ചിരി

പതിവി൯ പടി മാനസത്തിലാകവേ
പലവിധ ചിന്തകളു൦ നിറച്ചു ഞാ൯
പാതയോരത്തുകൂടി നടക്കവേ ആ
പാതയിൽ വീണിതാ കുറേ പൂക്കൾ

പൂക്കളിതെങ്ങനെ വന്നെന്നോ൪ക്കേ
പിന്നിൽ നിന്നു൦വന്നു മുന്നേറി
പോയൊരു വാഹനത്തിൽ നിന്നു൦
പൊഴിയുന്ന പൂക്കളെ കണ്ടു ഞാനപ്പോഴു൦

പൂവിതൾചുണ്ടിലെ പുഞ്ചിരി മാഞ്ഞതില്ല
പൂന്തേൻ ആരു൦ നുക൪ന്നതില്ല
പരിമള൦ കാറ്റു കവ൪ന്നതില്ല
പരാഗങ്ങൾ പട൪ന്നതില്ല

പാതയിൽ വീണ പൂക്കളെല്ലാ൦
പിറകിലായിവരു൦ ചക്രങ്ങൾക്കിരയായി
പലപലചായക്കൂട്ടുകൾ ചേ൪ന്നപോലെ പാതയ്ക്കുവ൪ണ്ണഭ൦ഗിയായെ൯ മുന്നിൽ

പൂവിന്റെ ചിരി മായു൦ വേഗമെന്നറിഞ്ഞോ
പുലരിപോലു൦ ചാ൪ത്തിടുന്നു
പൂവുണരു൦ മുമ്പേ അവളറിയാതെ
പൂവിതളിൻതുമ്പിൽ കണ്ണീ൪ത്തുള്ളികൾ

പൂവൊരെണ്ണമാത്ര൦ എന്തുകൊണ്ടോ
പാതയിൽ ചിരി മായാതെ ശേഷിക്കേ
പലവുരു അതൊന്നെടുക്കാ൯ മാനസ൦
പറയുന്നതിനാലേ ഞാനുണ൪ന്നു.

പാതയരികിലെ സത്രത്തിൻ മുന്നിൽ
പഥികനൊരാൾ നിന്നതു൦ ഞാനു൦
പെട്ടെന്നു കൈനീട്ടി നടക്കവേ
പൂവ്, അവളോ കൈവിട്ടുപോയി

പാതയിൽ കുറച്ചുമുന്നിലായി നടന്ന
പഠിതാക്കളിൽ ഒരാളാ൦ അവനെടുത്തു
പൂവതുചിരിതെല്ലു൦ മായാതവൾക്കു നൽകി
പ്രണയിനിയോ അവൾ സഹയാത്രികയോ

പഥിക൯, അയാളുമെന്നെ പോലെയല്ലേ
പൂവിനായി കൈനീട്ടിയതല്ലേ
പുഞ്ചിരിയൊന്നു  തന്നെനിക്കായി പകരമായിതിരികെ നൽകി ഞാനു൦

പിന്നെ ഞാ൯ അതോ൪ത്തു നടന്നുപോയി
പൂവുകൾ വീണരഞ്ഞലിഞ്ഞുപോയ
പാതയിലൂടെ പലവട്ട൦പോയി
പാടുകൾ പോലുമില്ലാതെയായി.

കര്ണ്ണികാരം

കര്ണ്ണികാരം പൂത്തുതളിരിട്ടല്ലോ
കണികണ്ടുണരാന് കാത്തുനില്ക്കാതെ
കാട്ടിലും മേട്ടിലും പാറിനടപ്പൂ കനകശലഭങ്ങള്
കാറ്റില് കൊഴിയുമീ കൊന്നപ്പൂക്കള്

കണ്ണനെ കാണാതെ പോകയോ-ആ
കണ്ണുകള്  നിന്നെ തേടുകില്ലേ
കണ്ടില്ലെയെങ്കിലാമുഖമൊരു പരിഭവ
കാര്മുകിലായി  മാറുകില്ലേ

കാണാത്ത ഭാവത്തില് നിന്നാലും നിന്
കരളിലൊരു നൊമ്പരമുണരുകില്ലേ
കാതരയാം  നിന്  കടമിഴി-
കോണിലൊരു നനവൂറുകില്ലേ

സ്വയംവരം

മരിച്ചവരാരും തിരികെവരാത്തതെന്തേ?
മരണത്തിനപ്പുറം  ഭൂമിയേക്കാളും
മനോഹരമായൊരു ലോകമുണ്ടോ?
മധുവിനേക്കാളും മധുരം പകരുന്നതാണോ?
മഴവില്ലിനേക്കാളും അഴകേറുന്നതാണോ?
മതിയായി മമജീവിതമെങ്കിലും
മക്കള്  ചിറകുവിരിച്ചുപറന്നകലും വരെ
മരണമേ നീയെന്നെ മോഹിപ്പിച്ചിടല്ലേ
മറുകരയിലെന്നുടെ അമ്മയുണ്ടല്ലോ
മാറോടുചേര്ത്തെന്നെ പുല് കിടുമല്ലോ 
മാനസം വെമ്പിടുന്നു  സ്വയംവരത്തിനായി
മറ്റാരേയും ക്ഷണിക്കുവാനാകാത്ത മാംഗല്യത്തിനായി

സൂര്യനോ ചന്ദ്രനോ ?

ആരാണെന്നറിയില്ല നീയെനിക്കിന്നും 
ആരായുകയാണെന്റെ ഹൃദയമെന്നും
ആകാശവീഥിയില്‍ തിളങ്ങി നില്‍പ്പൂ
ആരാണു നീയെനിക്കു സൂര്യനോ ചന്ദ്രനോ?

എന്റെ പുലരികള്‍ക്കു അരുണിമയേകി
എന്റെ സന്ധ്യകള്‍ക്കു ശോണിമയേകി
മൊഴികളില്‍ തേന്‍മഴ പെയ്തൂ
മിഴിനീരില്‍ മഴവില്ലായിരം വിരിഞ്ഞൂ

എന്റെ രാവുകളില്‍ പുഞ്ചിരിക്കും പൂനിലാവായി
എന്റെ കിനാവുകളില്‍ തുഴയും പൂന്തോണിയായി
പുതച്ചിട്ടും കുളിരേകും മഞ്ഞുകണമായി
പുറമേയ്ക്കു കാണാതെ പുകയും കനലായി

അരികത്തുവന്നൊന്നറിയാന്‍ മോഹമുദിക്കേ
അകലമെന്തന്നറിഞ്ഞു അകലുന്നു ഞാന്‍
ആരാണുനീയെനിക്കിന്നും അറിയില്ലെന്റെ
ആകാശത്തിലെ സൂര്യനോ ചന്ദ്രനോ ?

മറ്റാരും കാണാതെ.................

മഴ      മുത്തുമണിമാലകളെന്‍
മാറില്‍  ചാര്‍ത്തിത്തന്നുവല്ലോ
മറ്റാരും കാണാതെ മാലകളെല്ലാമെന്‍
മാറിലെ ചൂടില്‍ നീരാവിയായല്ലോ.

മുകില്‍      മുല്ലപ്പൂക്കളെന്‍
മുടിച്ചാര്‍ത്തില്‍ തിരുകിയല്ലോ
മറ്റാരും കാണാതെ മലരുകളെല്ലാമെന്‍
മോഹങ്ങള്‍ പോലെ കൊഴിഞ്ഞുവല്ലോ.

മധുഗാനം പാടിയെന്നോ നീയെന്‍
മാനസത്തിന്‍ വാതില്‍ തുറന്നുവല്ലോ
മറ്റാരും കാണാതെ ഗാനമെന്‍
മുരളിയിലൊളിപ്പിച്ചു വച്ചുവല്ലോ.

മറുമൊഴി ചൊല്ലിയില്ല ഞാനെന്‍
മൂകമാം ഹൃദയമൊരു മുത്തുച്ചിപ്പിയാക്കിയല്ലോ
മറ്റാരും കാണാതെ മുത്തുകളെല്ലാമെന്‍
മൌനസാഗരത്തിന്നാഴങ്ങളില്‍ വീണുവല്ലോ.

മധുരസ്വപ്നങ്ങളൊന്നും കണ്ടതില്ലയെന്‍
മിഴിനീരുമീ മഴയിലലിഞ്ഞുവല്ലോ
മറ്റാരും കാണാതെ വര്‍ണ്ണങ്ങളെല്ലാം
മന്ദം മായുമൊരു മഴവില്ലുമാത്രമല്ലേ ഞാന്‍.

പരീക്ഷ

പരീക്ഷയുടെസിലബസ്...ഇന്‍ഡ്യ,കേരളം,ജനറല്‍സയന്‍സ്,സാമൂഹ്യക്ഷേമപദ്ധതികള്‍,ഭരണഘടന,ഇംഗ്ളീഷ്,കണക്ക്, മാനസികശേഷി,കറന്‍റ് അഫയേഴ്സ്,കമ്പ്യൂട്ടര്‍....എന്നോടൊപ്പം പരീക്ഷയെഴുതുന്ന എല്ലാവര്‍ക്കുമായി.......

പരീക്ഷവന്നു  തലയില്‍ക്കയറി
പഠിച്ചതെല്ലാം മറന്നുപോയി
പണ്ടേയാരോ പാടിയിട്ടുണ്ടേയിന്നു ഞാനും
പരീക്ഷയൊരു പരീക്ഷണമാകല്ലേ എന്റെ കൃഷ്ണാ

ഭാരതമെന്റെ ദേശമാണെങ്കിലുമവളുടെ
ഭാരം താങ്ങാനാവാതെ തളരുന്നു 
പര്‍വതങ്ങളില്‍ കയറിയും നദികളിലൊഴുകിയും  നടന്നൂ
പരദേശികള്‍ തീര്‍ത്ത തടവറയും സ്വാതന്ത്ര്യദാഹവും കണ്ടൂ

പണ്ടുതൊട്ടേ എനിക്കിഷ്ടമല്ലേ ദൈവത്തിന്റെ സ്വന്തമല്ലേ
പച്ചയുടുപ്പിട്ട  സഹ്യനും നിളയുടെ പഞ്ചാരമണല്‍ത്തിട്ടകളും
കടല്‍ത്തീരവും കായലും കയറും കെട്ടുവള്ളങ്ങളും പിന്നെ
കണ്ണിലിരുട്ടുപരക്കുംവരെ വായിച്ചാലുമുറയ്ക്കാത്ത രാഷ്ട്രീയവും

പുനര്‍ജന്‍മത്തിന്‍ കെട്ടുകഥകള്‍ക്കുമപ്പുറം  വാനില്‍
പുലരിയായി പൌര്‍ണ്ണമിയായി ഉദിക്കും പ്രപഞ്ചരഹസ്യങ്ങളും
പരിസ്ഥിതിപാലനത്തിനാഘോഷിക്കും ദിനങ്ങളും ജീവന്റെ
പരിണാമത്തിനുതെളിവാകും ശാസ്ത്രങ്ങളും മുന്നിലുണ്ടല്ലോ

വികസനത്തിന്റെ പേരിലെത്തും പദ്ധതികളെല്ലാം
വിടരുംമുമ്പേ അഴിമതിയില്‍മുങ്ങിക്കൊഴിയുന്നല്ലോ
മാറിമാറിയെത്തും ഭരണചക്രങ്ങളില്‍
മാഞ്ഞുപോകുമീ സാമൂഹ്യപാഠങ്ങളും പഠിക്കണം

ഭരണപരിപാലനത്തിനെഴുതിയ വരികള്‍
ഭരിക്കുന്നവര്‍ക്കറിയാത്ത ചട്ടവരിയോലകള്‍
ചവയ്ക്കാതെ വിഴുങ്ങങ്ങിയതിനാലോ ഉള്ളില്‍
ചവറുപോലെ ദഹിക്കാതെ കിടപ്പൂ

അവസാനനിമിഷത്തിലെന്‍ മാതൃഭാഷയെ പിന്നിലാക്കി
അളവുകോലായല്ലോ ആംഗലേയമേ നീയെന്നാകിലും
അടുത്തെത്തുമ്പോള്‍ ചോര്‍ന്നുപോകുന്നു ധൈര്യം
അറിയുന്തോറും അകലത്തുതന്നെ നില്‍പ്പൂ ഞാനിന്നും

കൂട്ടുകാരൊക്കെയും അകന്നുപോയി കണക്കുമായി
കള്ളനും പോലീസും കളിമാത്രമായി
തലപുകച്ചിട്ടുമുത്തരം കാണാത്ത , മനസ്സിന്റെ
താളം തെറ്റിക്കുമീ മാനസികശേഷിപരിശോധനകള്‍

പുത്തനാം കാര്യങ്ങളെല്ലാം അറിയേണമടുക്കിവെയ്ക്കേണം
പത്രത്താളുകളിലെന്നോ കണ്ടതെല്ലാം മിനുക്കിവെയ്ക്കേണം 
കളിയരങ്ങുകളുമധികാരക്കൈമാറ്റങ്ങളും പുരസ്ക്കാരങ്ങളും
കലാപങ്ങളും കണ്ണുനീര്‍ പടര്‍ത്തിയ കാഴ്ചകളും

ആധുനികയുഗത്തിന്‍ പര്യായമാം കമ്പ്യൂട്ടര്‍പ്പെട്ടിയും
അതിനുള്ളിലെ റാമും റോമും അനവധി മെമ്മറികളും
പരീക്ഷകഴി‍ഞ്ഞാല്‍, പരാജയമണഞ്ഞാലെന്നുടെ മെമ്മറിയെ
പരിധിക്കുപുറത്താകാതെ കാത്തിടേണേ എന്റെ കൃഷ്ണാ...........