സിന്ദൂരപ്പൊട്ടണിഞ്ഞെത്തിയല്ലോ പുലരി
നിറമേഴുംചാര്ത്തിയല്ലോ മഞ്ഞിന്മുത്തുമാലകള്
പ്രഭാതത്തില് മുന്നിലണയും വര്ണ്ണങ്ങള്
പ്രതീക്ഷകളായി മാറും ഇന്ദ്രജാലങ്ങള്
രജപുത്ര ധീരതതന് പ്രതീകമോ
രക്തത്തിലലിഞ്ഞുചേരും പ്രണയവര്ണ്ണമോ
ചെവിക്കു പിന്നിലെ ചെമ്പരത്തിപ്പൂവാം
ചുവപ്പിലുണരുന്നത് ചിത്തഭ്രമമോ
ചിതറിക്കിടപ്പൂ മനസ്സിനുള്ളിലിന്നും
ചന്തമേറും മഞ്ചാടിമണികള്
മോഹിപ്പിക്കും കനകത്തിന് നിറമല്ലേ
മോഹിനിയായിമാറുമൊരു കണിക്കൊന്നയല്ലേ
മഞ്ഞച്ചരടില് കോര്ക്കുന്നതു മനസ്സുകളല്ലേ
മരണകാലംവരെ കൂട്ടാകുമെന്നൊരു വാക്കല്ലേ
ആരിലും ഉണര്വേകും ഹരിതഭംഗി
കഥയായി മറുന്നതെത്ര വേഗം
മരുഭൂവിലൂടെ ഓടിത്തളരുമെനിക്കൊരു
തണല്വൃക്ഷം കാണാനിനിയെത്ര ദൂരം
നീലവാനിലെ വെണ്മേഘപ്പറവകളോ
പാല്നുരചിതറും സാഗരത്തിരകളോ
കണ്ണനു പ്രിയമാം മയില്പ്പിലിക്കണ്ണുകള്
ചാലിക്കുന്നെന് മിഴികളിലുമിത്തിരി നീലം
നിശയിലുണരും പൂവുകള്ക്കെല്ലാം
നിലാവുതോല്ക്കും വെണ്മയല്ലേ
നട്ടുവല്ലോ ഞാനുമൊരു നിശാഗന്ധി
പൂവിടുംനാളെനിക്കൊരു ശിവരാത്രിയാകുമല്ലോ
കറുപ്പിനേഴഴകെന്നു ചൊല്ലിയതാരോ
കണ്ണിനെ കടലാക്കും വേദനകളും
കരിങ്കൊടിയില് തെളിയും പ്രതിഷേധവും
കാണാതെപോകും മനസ്സും കറുത്തതല്ലേ
വെള്ളരിപ്രാവുകള് സാക്ഷികളായിട്ടും
വര്ണ്ണവിവേചനങ്ങള് ഒടുങ്ങാത്തതെന്തേ
കനവില് കാണുന്നുണ്ടെന്നും പുതുനിറങ്ങള്
പേരറിയില്ലയെങ്കിലുമെത്ര മനോഹരം
മനതാരിലുണ്ടൊരു മോഹത്തിന് വില്ല്
മധുരസ്മരണകള്തന് വാര്മഴവില്ല്
നിറമേഴുംചാര്ത്തിയല്ലോ മഞ്ഞിന്മുത്തുമാലകള്
പ്രഭാതത്തില് മുന്നിലണയും വര്ണ്ണങ്ങള്
പ്രതീക്ഷകളായി മാറും ഇന്ദ്രജാലങ്ങള്
രജപുത്ര ധീരതതന് പ്രതീകമോ
രക്തത്തിലലിഞ്ഞുചേരും പ്രണയവര്ണ്ണമോ
ചെവിക്കു പിന്നിലെ ചെമ്പരത്തിപ്പൂവാം
ചുവപ്പിലുണരുന്നത് ചിത്തഭ്രമമോ
ചിതറിക്കിടപ്പൂ മനസ്സിനുള്ളിലിന്നും
ചന്തമേറും മഞ്ചാടിമണികള്
മോഹിപ്പിക്കും കനകത്തിന് നിറമല്ലേ
മോഹിനിയായിമാറുമൊരു കണിക്കൊന്നയല്ലേ
മഞ്ഞച്ചരടില് കോര്ക്കുന്നതു മനസ്സുകളല്ലേ
മരണകാലംവരെ കൂട്ടാകുമെന്നൊരു വാക്കല്ലേ
ആരിലും ഉണര്വേകും ഹരിതഭംഗി
കഥയായി മറുന്നതെത്ര വേഗം
മരുഭൂവിലൂടെ ഓടിത്തളരുമെനിക്കൊരു
തണല്വൃക്ഷം കാണാനിനിയെത്ര ദൂരം
നീലവാനിലെ വെണ്മേഘപ്പറവകളോ
പാല്നുരചിതറും സാഗരത്തിരകളോ
കണ്ണനു പ്രിയമാം മയില്പ്പിലിക്കണ്ണുകള്
ചാലിക്കുന്നെന് മിഴികളിലുമിത്തിരി നീലം
നിശയിലുണരും പൂവുകള്ക്കെല്ലാം
നിലാവുതോല്ക്കും വെണ്മയല്ലേ
നട്ടുവല്ലോ ഞാനുമൊരു നിശാഗന്ധി
പൂവിടുംനാളെനിക്കൊരു ശിവരാത്രിയാകുമല്ലോ
കറുപ്പിനേഴഴകെന്നു ചൊല്ലിയതാരോ
കണ്ണിനെ കടലാക്കും വേദനകളും
കരിങ്കൊടിയില് തെളിയും പ്രതിഷേധവും
കാണാതെപോകും മനസ്സും കറുത്തതല്ലേ
വെള്ളരിപ്രാവുകള് സാക്ഷികളായിട്ടും
വര്ണ്ണവിവേചനങ്ങള് ഒടുങ്ങാത്തതെന്തേ
കനവില് കാണുന്നുണ്ടെന്നും പുതുനിറങ്ങള്
പേരറിയില്ലയെങ്കിലുമെത്ര മനോഹരം
മനതാരിലുണ്ടൊരു മോഹത്തിന് വില്ല്
മധുരസ്മരണകള്തന് വാര്മഴവില്ല്