കത്തുന്ന അടുപ്പിനു മുന്നില്
കാത്തു നില്ക്കുന്നതും അഗ്നിജ്വാലകള്
കൂട്ടിക്കിഴിച്ചു നോക്കുന്നു മനസ്സില്
കൂട്ടിയിണക്കാനാവുമോ രണ്ടറ്റവും
നെഞ്ചിലെ നേരിപ്പോടിനുള്ളില്
നിറഞ്ഞുകത്തുന്നു ജീവിതമെപ്പോഴും
കരിയും പുകയുമില്ലാതെ കത്തുമീ വാതകം
കിട്ടണമെനിക്കും ഒരുനാളെന്നു കിനാവുകണ്ടു
കുതിച്ചുയരും വിലയെന്നു കേട്ടപ്പോഴതൊരു
കിട്ടാക്കനിയായി പാഴ്കിനാവായി
ഉള്ളിലെ താപത്താലേ തെളിയുന്നു
ഊതിയുണര് ത്തേണ്ട താമസം തെല്ലുമില്ല
പാതവക്കിലുണരുമോ പാചകസമരം
പൊതുജനം പഴിചാരുവതാരേ
പഴങ്കഥയായി മാറിയതു മറന്നേപോയി
പുഞ്ചിരിക്കു പിന്നിലെ നൊമ്പരങ്ങള്
പങ്കുവെച്ചാലതു പടരില്ലേ പലരുമറിയില്ലേ
പലപ്പോഴും നീട്ടും കരങ്ങള് പെട്ടെന്നു
പിന് വലിക്കുന്നതില് കാണാം പാടുകള്
കൈവിരല് തുമ്പുകളിലെ പ്പൊട്ടുകള്
അമ്മ പൈതലിന് മുഖത്ത് അരുമയോടെ
അണിയിക്കും കണ്മഷിപ്പൊട്ടുപൊലെ
ആരും കാണാതെ തുടയ്ക്കുന്നു വേഗം
അടര് ന്നുവീഴും മുന്പേ നീര് കണങ്ങളും
കരിമഷിപ്പാടുകള്ക്ക് ഇന്നെന്തു ചേലാണെന്
കരളിലെ കള്ളനാം കാര് വര്ണ്ണനെപ്പോലെ