കണ്ണനെക്കണ്ടു ഞാനാ കുപ്പിവളയിട്ട കൈകളില്
കാര് മുകില് വര് ണ്ണമോടെ കണ്ണില് കപടഭാവമോടെ
കൂന്തലില് മയില് പ്പീലി ചൂടിക്കൊണ്ടും
കള്ളച്ചിരി ചിരിച്ചുകൊണ്ടും
വഴിയരികില് ശില്പങ്ങളെല്ലാം നിരത്തിവെച്ചു
വില്ക്കുവാന് നില്ക്കയാണവള്
വേഷത്തിലോ ഗോപികയെപ്പോലെ
ഭാഷയിലോ അയല് ക്കാരിയെപ്പോലെ
പണ്ടുതൊട്ടേ മോഹിക്കുന്നതല്ലേ
പുല്ലാങ്കുഴലുമൂതി നില്ക്കുമീ രൂപം
വിളിക്കുന്നുണ്ടു മാറിമാറി എല്ലാവരേയും
വാങ്ങുവാനെനിക്കും ആശതോന്നി
പ്രിയയെ തൊട്ടുവിളിച്ചവളുടെ കാതില്
പതിയെ ചൊല്ലി വിലയെത്രയായിരിക്കും
കടകളിലെല്ലാം കണ്ടിട്ടുണ്ട് കണ്ണനെ പക്ഷേ
കണ്ടിട്ടില്ലിതുവരെയിത്ര കാമുകഭാവമോടെ
"കിഴക്കേകോട്ടയിലിനിയും വരുമല്ലോ
കിട്ടുമല്ലോ അന്നുമിതുപോലെ എല്ലാം
ഒരുപാടുദൂരം കൊണ്ടുപോകേണ്ടതല്ലേ
ഒന്നുതട്ടിയാല് ഉടഞ്ഞുപോകില്ലേ
പലതും നമ്മള് കണ്ടും വാങ്ങിയും
പിടിയ്കുവാനിനിയും കൈയ്യിലിടമില്ലല്ലോ
പരിമിതമല്ലോ കൈയ്യിലെ പണവും
പിന്നെയൊരിക്കല് വന്നു വാങ്ങിടാമല്ലോ "
മറുമൊഴി കേട്ടു മോഹം മനസ്സിലൊളിച്ചു
മൂകമാമനുരാഗം മിഴികളിലോടിവന്നു
മറക്കുവാനായില്ലെനിക്കുതെല്ലും മായ്ക്കുവാനായില്ല
മുരളീഗായകനെത്തേടി പിന്നെയും പോയല്ലോ
തിളച്ചുപൊന്തിയ ഉച്ചവെയിലിനൊപ്പം
തെരഞ്ഞുനടന്നാ തെരുവുകളിലെല്ലാം
തരുണീമണിയവളെ കണ്ടതില്ലയെങ്ങും
തന്നില്ലാരുമൊരു അടയാളവും
കാഴ്ചകളെല്ലാം മറച്ചു കണ്കോണില് നനവൂറിവന്നു
കാതുകളിലാരുടെയോ മൃദു മന്ത്രണം
കണ്ണന് കള്ളനല്ലേ അവന് നിന്നെ
കബളിപ്പിക്കുമിതുപോലെ ഇനിയെന്നുമെന്നും
മനോഹരം. തുടര്ന്നും എഴുതുക. ആശംസകളോടെ,
ReplyDeleteനന്നായിട്ടുണ്ട്...
ReplyDeleteThanks
ReplyDelete